1. Castru de Picu Castiil.lu. El Col.léu 
Ta situáu nun promontoriu xunto a El Col.léu, con una gran caída pa los ríos Riosa y Vega. Jose Manuel González, el so descubridor en 1960, defínelo como “un recintu de pisu irregular” nel qu’hai abonda piedra menudo. La plataforma que marca’l castru tien forma ovalada con una baxada fuerte pa la zona meridional.

5. Necrópolis Tumular de Curuxeo. El Curuxeu 
Allugada nun gran espolón del cumal amesetáu qu’esgaña en cordal de La Forcá. Tien un gran valir polo escaso de túmulos con cámara dolménica que pueden reconocese en prospección.

6. Túmulu de La Forcá. El Curuxeo  
Foi atopáu por Jose Manuel González en xunu de 1960. Ta asitiáu nún de los collaos del cordal de La Forcá, marca la llende ente los conceyos de Morcín y Riosa y arranca de La Covarriel.la pa baxar a Piedrafita.

7. Petroglifos de La Forcá. El Curuxeo 
Localizados en cordal de mesmu nome, les inscultures tán señalizaes nun bloque d'areñisca situáu n'agües vertientes. 

Tán venceyaos a delles necrópolis tumulares descubiertes nesti cordal por José Manuel González.

8. Túmulu de Yofrén. El Curuxeo 
Asitiáu nún de los collaos del cordal de La Forcá. Dende’l túmulu podemos ver el valle de Grandiel.la y la falda meriodional de La Malena.

9. Túmulos de Los Monteros. La Cuba 
Componse de dos túmulos asitiaos en cordal de La Cuba que va del monte L.lisorio a la Segá y val de dixebra ente los conceyos de Mieres y Riosa.
El túmulu 1 ta no cimero y ta tapáu polos matos.
El túmulu 2 ta a cien metros dirección sur del primeru, tien forma aplastada y el contornu percíbese bastante bien.

10. Casa Solariega de Los Muñiz. Donaxuendi  
Allugada en Donaxuendi, esta casa forma parte d’un conxuntu d’edificaciones posteriores, correspondientes a una reedificación de 1835. Na entrada la portalada hai una pieza monolítica que podría ser una llábana medieval reaprovechada.

11. Túmulo d`El Pico Les Perales. Grandiel.la  
Ta asitiáu en cordal que xunta La Malena con L'Aramo. El túmulu ta a los pies de lo cimero d’esti gran colláu, El Pico Les Perales, onde topamos los restos d’una posible fortificación.

12. Castru/Torre del Pico La Peral. Grandiel.la 
En pueblu de Grandiel.la, la fortificación encuéntrase nun monte pequeñu que domina’l pasu al valle de Morcín. La so situación otórga-y una visibilidá óptima. Son perpocos los restos conservaos.

13. Capía de San Pedro. Grandiel.la  
Situada en Grandiella. Es una pequeña capilla de planta rectangular con cabildo a los pies. En la fachada principal se abre una portada de medio punto compuesta por dos potentes doveles.

14. Túmulos de Villal.lana. Grandiel.la  
Tán asitiaos a mediu camín ente Riosa y Morcín, enriba’l pueblu de Grandiel.la. Esti conxuntu compónse de dos túmulos: el primeru, situáu al norte, ye más evidente. Caracterízase pola so forma aplastada y la planta circular. El segundu topámoslu a 25 metros dirección suereste del primeru, ta muncho más erosionáu que l’anterior.

15. Túmulo d`El Cordal de la Cuba. Xuncar
Localizáu nel colláu al sur del monte L.lisoriu, a unos 40 metros d’una torrera d’alta tensión. El túmulu resulta evidente poles sos dimensiones. La planta ye circular y la masa tumular ta cubierta de tierra.

16. Túmulu de Les Yanes. Les Yanes
Asitiáu en colláu que dixebra Mieres de Riosa, ta formáu por dos túmulos.

17. Túmulos de les Segaes. Les Yanes  
El colláu que marca la llende ente los conceyos de L.lena y Riosa, a unos 500 pasos de la necrópolis de Felguera, ufierta una gran panorámica de los conceyos de Riosa, L.lena y Mieres. Esti emplazamientu indica una evidente zona de pasu ente los conceyos yá citaos qu’inda perdura.

18. Capiya Les Nieves. L.lamo 
Trátase d’una capiya de pequeñes dimensiones qu’atopamos a la salida de L.lamo. Consérvase l’antigua imaxe titular de la capiya, una pequeña virxe sediente col neñu, que presenta les característiques del imaxinariu del sieglu XIII.

19. Túmulu de La Col.lá. Fresneo
Asitiáu nel cordal interior que, saliendo de la parte la Segá, na llende con Mieres, baxa selemente camín de La Vega. El yacimientu alcuéntrase cerca de la parte más baxa del cordal, enriba’l pueblu de Fresneo, nun llanu suave de la rimada.

20. Capiya de Sta. Bárbara. Piedrafita  
Ta situada ente los conceyos de Morcín, Riosa, xunto al Camín Real que lleva hasta Uviéu. Anguaño, consérvanse restos dispersos de la capiya nuna finca privada.

21. Castru del Pico El Cocheu. Rioseco
Alcuéntrase na cabecera del valle del ríu L.lamo o Riosa. Foi descubiertu y estudiáu por José Manuel González nel añu 1970.

22. Mines del Aramo o de Texeo. Rioseco.   
A 1300 metros d’altitú, bien cerca de L.lamo, alcuéntrense les mines prehistóriques de Rioseco. El descubrimientu fíxolu en 1888 l’inxenieru belga Alejandro Straalen que trabayaba nes mines de mercurio de La Soterraña.
Los últimos estudios fechos pola Universidá d’Upsala, en Suecia, revelen que l’actividá d’estes mines de cobre entamó hai 4.500 años y perduró mil años.

23. Posible bolsa minera del Peñón del Castiil.lu. Rioseco.
Situada a los pies del Peñón del Castiil.lu, mui cerca de la Peña del Cocheu. Delles lleendes afirmaben que nel interior había un molín encantáu y que na cueva escondíense los neños de L.lamo que se chanciaben d’un asesín abellugáu na zona.

24. Túmulu de L`Arquera. Rioseco  
Asitiáu en Mayéu de L’Arquera, ún de los colladinos d’esti cordal. Ye un túmulu pererosionáu, de planta un poco ovalada y de forma achaplada.

25. Túmulos de La Campa, La Soma. Rioseco  
Alcuéntrase nel colláu que ta na base meridional del cordal de L’Aramo, nuna zona onde se xunten los conceyos de L.lena, Quirós y Riosa. Poro, la visibilidá que se tien abarca la mayor parte del territoriu d’estos conceyos.

26. Túmulos de La Mesta. Rioseco 
El so allugamiento ufierta un dominiu visual de la vega de L.lamo (Riosa) y de L.lena. Tán pegaos a la pista que lleva de la carretera de L.lena-Riosa a la que sube al Gamoniteiru y anda’l cordal.

27. Túmulos del Pico la Gal.lina. Rioseco
Asitiáu nún de los collaos del cordal que dixebra los conceyos de L.lena y Riosa. Son dos túmulos abellugaos pon un cantu rocosu pel noreste.

28. Túmulo de Llazarandín. El Texeal  
Sitúase nel mesmu cordal de L’Aramo, nuna campera cerca de Braña Rubio, al norte del Pico la Xistra. Ta asitiáu nuna zona de pasu que, pelo cimero, va de L’Aramo a Quirós.

29. Ilesia de Sta María. La Vega  
Data del añu 1959. Nes obres de construcción apaecieron tumbes de llábana na cabecera y en lláu sur de la ilesia.

30. Despoblao de Samartino. Vil.lamir
Asitiáu na parte nororiental del conceyu, bien cerca del pueblu de Vi.llamir, l’antiguu pueblu taba nel llugar de Samartino, güei dedicáu a finques de pastu. Faise referencia a restos d’una antigua ilesia consagrada a San Martín.

31. Túmulos Felguera. L`Azorera Les Yanes 
Tópanse a unos 500 pasos de la Segá, nun colláu enriba’l Monte La Soterraña. Ye una llanada amplia atopada por José Manuel González en 1969, na que s’indentifiquen seis poces de saquéu.

32. Camín Real de L.lamo a La Vega
Ente los llugares de L.lamo y La Vega identificáronse restos del antiguu Camín Real que pasaba pelos pueblos del valle del Rio L.lamo. A lo llargo’l camín, unos seis quilómetros, topáronse tres puntos con restos del empedráu: el primeru a la salida de L.lamo, el segundu en La Calzada depués de pasar Santu Adriano y, el terceru, na salida de Felguera.